“Xankəndi aeroportu hərbi məqsədlər üçün istifadə olunur” - Rəsmi
23-05-2018, 22:59
Bunu Ermənistan Müdafiə Nazirliyinin rəsmisi açıq şəkildə bildirib...
“Xankəndi hava limanı hazırda hərbi məqsədlər üçün istifadə olunur və qrafikə uyğun olaraq fəaliyyət göstərir”.
Bu məlumatı çərşənbə axşamı Ermənistanın İctimai Radiosundakı açıqlamasında Ermənistan Müdafiə Nazirliyinin mətbuat katibi Artsrun Ovannisyan söyləyib.
A.Hovannisyan bildirib ki, Xankəndi hava limanı yaxşı vəziyyətdədir və Ermənistan, eləcə də işğal altındakı Azərbaycan torpaqlarında qondarılmış separatçı rejimin müdafiə imkanlarını təmin etmək kontekstində fəaliyyət göstərir.
Onun sözlərinə görə, mülki təyyarə səfərləri və ya turistlərin daşınması barədə danışmaq hələ çox erkəndir.
“Mülki daşınma mümkün olarsa, bu, Qarabağda cəlbedici turist-gəzinti istiqamətlərinin yaradılmasına imkan verəcək", - deyə Ovanisyan bildirib.(moderator.az)
