Dünyanın bir çox ölkələrində yüksək səlahiyyətlərə malik bələdiyyələrin ölkəmizdə nə iş gördüyü barədə insanların məlumatı azdır. Bəzən həqiqətən rayon ərazisində görülən abadlıq işlərinin arxasında icra hakimiyyətləri deyil, bələdiyyələr dayansa da, sakinlər bundan xəbərsiz olur.

Elə buna görə də onlar haqqında fikirlər birmənalı deyil. Bəzən isə bələdiyyə sədrləri tərəfindən qanunpozuntusu hallarına da yol verilir.

Ölkəmizdə bələdiyyələrin fəaliyyətinin məhdudlaşdırılmasında icra hakimiyyətlərinin də rolu olduğu düşünülür.

Məsələ ilə bağlı Bələdiyyələrin Fəaliyyətinin Təbliği Birliyinin sədri Vüqar Tofiqli "MediaPost"a açıqlama verib. O, Azərbaycanda bələdiyyələrin işə mane olan səbəblər və onların fəaliyyət istiqaməti barədə fikirlərini bölüşüb.