Niderlandın "Scherjon" şirkəti İmişli rayonunda süd məhsulları istehsal edəcək zavodun tikilməsi ilə bağlı layihə hazırlayıb.

Fins.az bildirir ki, bu barədə şirkətin prezidenti Şeryon Hilko vergilər naziri Fazil Məmmədovla görüşündə deyib. Onun sözlərinə görə, Azərbaycanda əlverişli investisiya mühitin mövcuddur, investorların hüquq və mənafeləri qorunur, xarici sahibkarlara əlverişli iş şəraitinin yaradılıb. Buna görə də "Scherjon" şirkəti Azərbaycana investisiya qoymağa maraq göstərir.

"Scherjon Dairy Equipment Holland BV" şirkətinin təqdim etdiyi avadanlıqlarda "Gouda" və "Etam" növlü holland pendirlərinin istehsalını nəzərdə tutan bu layihə gələcəkdə digər layihələrin də reallaşdırılmasına zəmin yaradacaq.