teref.az xəbər verir ki, “Palmali” Şirkətlər Qrupunun sahibi, iş adamı Mübariz Mənsimov virtualaz.org saytında onun biznesinin guya müflisləşməsi barədə gedən yazıya ANS-in "Hesabat+" proqramında üsyan püskürüb.

İş adamının onun uğurlarını həzm etməyən Azərbaycan dövlət adamlarını korrupsioner, boğazacan çirkaba bulaşmış şəxslər adlandırmaqla kifayətlənməyərək onları "şərəfsiz" adlandırması ondan xəbər verir ki, vəziyyət doğrudan da kritikdir və onun müflisləşməsi barədə qara piar kampaniyasına rəvac verənlərin qara niyyəti onu çökdürməkdir.

Xatırladaq ki, adıçəkilən sayt iddia etmişdi ki, iflasdan yaxa qurtarmaq üçün Mübariz Mənsimov baş nazirin keçmiş birinci müavini, rəsmi Bakının qeyri - rəsmi persona non - qrata elan etdiyi Abbas Abbasovla işbirliyinə getməyə məcbur olub. Amma iş adamı saytın bu iddiasını da sərt şəkildə təkzib edərək vaxtilə "Milyarderlər ittifaqı"nda da olmaqdan imtina etməsini xatırladıb, prezident İlham Əliyevin iradəsi əleyhinə heç bir projedə yer almadığını və bunun onun tərbiyəsinə görə olmadığını da xüsusui olaraq vurğulayıb.