“Azerbaijan Coca-Cola Bottlers” MMC-yə texniki vəziyyəti yoxlanılmayan və tibbi müayinədən keçməyən sürücülərlə fəaliyyət göstərdiyi üçün cərimə protokolu yazılıb.

Tribunainfo.az xəbər verir ki, MMC İnzibati Xətalar Məcəlləsinin 326-cı maddəsinin tələbini pozub. Belə ki, “Azerbaijan Coca-Cola Bottlers”avtonəqliyyat vasitələrinin texniki vəziyyətinin yoxlanılmasını və sürücülərin tibbi müayinəsini təşkil etməyib.
Sərnişin və yük daşımalarını yerinə yetirən avtonəqliyyat vasitələrinin texniki vəziyyətinin reysqabağı yoxlanılmasının, həmin avtonəqliyyat vasitələrinin sürücülərinin reysqabağı və digər zəruri tibbi müayinəsinin təşkil edilməməsinə görə vəzifəli şəxslər 500 manatdan 800 manatadək məbləğdə, hüquqi şəxslər 2000 manatdan 3000 manatadək məbləğdə cərimə edilir.
MMC-nin işinə 7 mart tarixində Yasamal Rayon Məhkəməsində hakim Murad Məmmədovun sədrliyi ilə baxılacaq.
Qarşı tərəfin də mövqeyini işıqlandırmağa hazırıq.