Azərbaycan Tibb Universitetinin elan etdiyi tender üçüncü cəhddə də ləğv edilib. Tribunainfo.az xəbər verir ki, bu barədə e-tender.gov.az saytında məlumat yerləşdirilib.
Həmin məlumatda deyilir ki, universitet ATU-nun tədris tətbiqinin inteqrasiyaları,tədris tətbiqinə yeni əlavələrin edilməsi,ağıllı keçid sisteminə tətbiqin yazılması və lazımi həllərin alınması xidmətlərinin satın alınmasını həyata keçirmək istəyib. 244.357,50 manatlıq tenderin baş tutmamasına səbəb isə qiymətlərin şişirdilməsi və gizli sövdələşmə olub.
Qeyd edək ki, ATU bu tenderin reallaşması üçün üç dəfə tender elan edib. Lakin hər dəfə AİİBNX tərəfindən rədd edilib. Sonuncu üçüncü cəhdin də alınacağına ümid edilsə də, reallaşmayıb.