"Gördüyünüz bu küçə əvvəllər şəhid Gündüz İbrahimovun adını daşıyıb. Sonradan isə küçənin adı dəyişdirilərək Səməd Vurğun küçəsi adlandırılmışdır. Şəhid Gündüz İbrahimovun adı isə digər küçələrin birinə verilmişdir. Bu küçədə asfalt və kanalizasiya, su xətləri bərbad vəziyyətdədir..." "DİA-AZ" bildirir ki, bunu Osman İmamov adlı rayon sakini öz gileyində ifadə edib.
Narazı vətəndaş daha sonra bildirir: "Dəfələrlə müraciət olunmasına baxmayaraq, hələ də adiyyatı qurumlar bu məsələ ilə maraqlanmayıb. Çəkib göstərməkdə məqsədimiz odur ki, adiyyatı qurumlar bu məsələyə ciddi yanaşsınlar..."

Daha sonra şikayətçi bu bilginin paylaşılmasını da vacib hesab edib: "Şəhid İbrahimov Gündüz Xeyrulla oğlu haqqında məlumat. Şəhid Gündüz İbrahimov 1962-ci ildə Xaçmaz rayonunun ən qədimi kəndlərindən biri olan Bostançı kəndində anadan olmuşdur və orada böyüyüb boya-başa çatmışdır. Ailə həyatı qurduğdan sonra Xudat şəhərində yaşamışdır. Neft Daşlarında işləmiş və Vətən müharibəsi başlayan zaman könüllü olaraq müharibəyə qatılmışdır. Füzuli və ətraf kəndlərini işğaldan azad edərkən, qəhrəmancasına Şəhid olmuşdur.

Şəhidimizin atası İbrahimov Xeyrulla Alı oğlu 2-ci Dünya müharibəsində iştirak etmiş və uzun illər dövlət orqanlarında çalışmışdır. Şəhidimizin 2 övladı var, şəhidimizin adını daşıyan nəvəsi də məhz bu ünvanda yaşayır".