ING Azərbaycanın 2025-ci il üçün iqtisadi artım proqnozunu artırıb

20-03-2025, 09:34           
ING Azərbaycanın 2025-ci il üçün iqtisadi artım proqnozunu artırıb
Niderlandın ən böyük bank qrupu olan “ING Group” 2025-ci il üçün Azərbaycanda iqtisadi artım üzrə proqnozu 3 %, 2026-cı ildə 2,5 % səviyyəsində proqnozlaşdırır.

İndex.az ING-yə istinadən xəbər verir ki, əvvəlki proqnozlarla müqayisədə 2025-ci il üçün ümumi daxili məhsulun (ÜDM) artım tempi 0,4 faiz bəndi artırılıb, 2026-cı il üçün isə 0,3 faiz bəndi azaldılıb.

Beləliklə, ING 2025-2026-cı illərdə Azərbaycanda ÜDM-in orta illik artımını 2,75 % səviyyəsində proqnozlaşdırır.

ING cari ilin birinci rübü üçün iqtisadi artım proqnozu 2 %, ikinci rüb üçün 3 %, üçüncü rüb üçün 2,5 %, dördüncü rüb üçün isə 4,5 % təşkil edir.

Xatırladaq ki, Azərbaycan İqtisadiyyat Nazirliyi 2025-ci ildə ÜDM artımını 3,5 %, Mərkəzi Bank isə 3,3 % səviyyəsində proqnozlaşdırır.

Beynəlxalq reytinq agentliklərinin 2025-2026-cı illərdə Azərbaycan iqtisadiyyatının artımı ilə bağlı proqnozları fərqlənir. “S&P Global” – hər il üçün 2 %, “Fitch Ratings” – 2025-ci ildə 3 % və 2026-cı ildə 2,4 %, “Moody’s” – hər il 2,5 % səviyyəsində proqnozlaşdırır.

Avropa Yenidənqurma və İnkişaf Bankı Azərbaycanın iqtisadi artımının 2025-ci ildə 3 %, 2026-cı ildə isə 2,5 % olacağını proqnozlaşdırır. Dünya Bankı bu il Azərbaycanda iqtisadi artımın 2,7 %, 2026-cı ildə isə 2,4 % səviyyəsində gözləyir.

2024-cü ildə Azərbaycan iqtisadiyyatı 4,1 %, 2025-ci ilin yanvar-fevral aylarında isə 0,2 % artıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru