Aqrar Sığorta Fondunun (ASF) məlumatına əsasən, 2025-ci ilin təkcə aprel ayında kənd təsərrüfatında 13 milyon manatlıq məhsula tam və ya qismən ziyan dəyib.

ASF-nin İdarə Heyətinin sədri Fuad Sadıqovun sözlərinə görə, 2025-ci ilin əvvəlindən artıq 6 milyon manatlıq istehsala ziyan dəyməsi ilə bağlı müraciət daxil olub ki, bu da 2024-cü ilin eyni dövrü ilə müqayisədə 2 dəfə çoxdur.

Məsələ ilə bağlı Baku TV-yə danışan təsərrüfatçılar dəymiş zərəri qeyri-sabit keçən hava ilə əlaqələndirirlər.

"3 000 manat xərc çəkmişəm ortada, bir manat da yoxdur", - deyə təsərrüfat sahibi narazılıq bildirib.

Mütəxəssislər isə zəhmətlərinin yerdə qalmaması üçün təsərrüfatçılara sahələrini mütləq sığortalamağı tövsiyə edirlər.

Daha ətraflı videomaterialda: