Belarusda kartof çatışmazlığı olan bütün pərakəndə satış müəssisələri cərimələnəcəklər.

Oxu.Az focus.ua-ya istinadən xəbər verir ki, qanunvericiliyə müvafiq dəyişiklikləri ölkə lideri Aleksandr Lukaşenko imzalayıb.

Qanun 210-8400 Belarus rublu (təxminən 110-4365 manat) arasında cərimələr müəyyən edir.

Sənədə əsasən, pərakəndə satış obyektlərində dövlət sifarişində nəzərdə tutulmuş tərəvəz məhsullarının olmamasına görə fiziki və hüquqi şəxslər üçün cərimə tətbiq olunacaq.

Qeyd edək ki, hazırda Belarusda yüksəkkeyfiyyətli kartof qıtlığı yaşanır. Hökumət məsələni nəzarətə götürüb və tədarükçüləri süni qıtlıq yaratmaqda ittiham edir.