Azərbaycan Mərkəzi bankının açıqladığı rəqəmlərə görə Azərbaycan manatı ucuzlaşıb.

Enter.News xəbər verir ki, milli valyutamız yalnız Argentina pesosu və Moldova leyi qarşısında bahalaşıb.

Manatın ABŞ dolları, BƏƏ dirhəmi, Gürcü larisi, Honq Konq dolları, İndoneziya rupiası, İran rialı, Qazaxıstan tengəsi, Qırğız somu, Livan funtu, Özbək somu, Səudiyyə Ərəbistanı rialı, Tacik somonisi, Yeni türkmən manatı və Ukrayna qrivnasına qarşı məzənnəsi sabit qalıb. Digər bütün valyutalar qarşısında Azərbaycan manatı dəyər itirib.

Bildiririk ki, milli valyutamızın ucuzlaşmasının səbəbi ABŞ dollarının gün ərzində xeyli dəyər itirməsi ilə əlaqədardır. Belə ki, Mərkəzi Bank Manatın dollara qarşı məzənnəsini bu gün sabit saxlayıb. Dollar dünya bazarında ucuzlaşdığına görə, avtomatik olaraq Manat da ucuzlaşıb.