Bu günlərdə yeni islahat dalğasının start düyməsi basılacaq. Belə ki, rəsmi dairələr qarşıdan gələn parlament seçkiləri ərəfəsini dəyişikliklər üçün münasib hesab edərək, bir çox ünvanlarda kadr islahatını həyata keçirməyi qəsd edib.

Hökumətdəki bilgili qaynağın DİA.AZ-a söylədiyinə görə, 3 rayonun icra hakimiyyətinin başçısı vəzifəsini itirəcək.

Xəbəri verən qaynaq iddia edir ki, onların sırasında ilk yerdə gələni Byeləqan rayon icra hakimiyyətinin başçısı Vaqif Abdullayevdir.

Dia.az xatırladır ki, gərgin günlərini yaşayan Vaqif Abdullayev son günlər mediada barəsində açıqlanan faktların da qarşısını ala bilməsi üçün hərəkətə keçib və hətta bu günlərdə Beyləqan RİH adından mətbuatı hədələyən bir açıqlama da yayıldı.

Görünəni odur ki, başçının narahatçılığı əbəs deyilmiş...