Tanınmış ictimai fəal Xalisə Şahverdiyevanın qardaşı Sevindik Şahverdiyev bu gün səhər saatlarında Sabunçu rayonu, Bakıxanov qəsəbəsində inşa olunan “Teras Park” yaşayış kompleksindən yıxılıb.

Bu barədə Gununsesi.info-ya verilən məlumatda deyilir ki, Sevindik Şahverdiyev adıçəkilən yaşayış kompleksində fəhlə kimi çalışıb.

O da qeyd olunur ki, hadisədən dərhal sonra Sevindik Şahverdiyevi fəhlələr Sabunçu rayonundakı 3 saylı şəhər Kliniki Xəstəxanasına çatdırıblar.

Hazırda onun vəziyyətinin ağır olduğu bildirilir. Lakin buna baxmayaraq, “Teras Park” yaşayış kompleksinin rəhbərliyi hələ də Sevindik Şahverdiyevə baş çəkməyib, onun vəziyyəti ilə maraqlanmayıb.