Qazaxıstanın ərzaq korporasiyası ilin əvvəlindən Azərbaycana 3 min ton buğda ixrac edib
7-04-2018, 08:46
Qazaxıstanın ərzaq korporasiyası - «NK “Prodkorporasiya” Səhmdar Cəmiyyəti 2018-ci ilin ilk rübündə Azərbaycana 3 min ton buğda ixrac edib.
Trend-in Kazinform agentliyinə istinadən verdiyi məlumata əsasən, bu barədə şirkətin 2018-ci ilin birinci rübdə fəaliyyətinin yekunları üzrə hesabatında deyilir.
Qeyd olunur ki, ərzaq müqavilə korporasiyası yaxın və uzaq xarici ölkələrə 80 min tona yaxın dənli və yağlı bitkilərin məhsullarını ixrac edib.
“İrana 58 min tondan artıq arpa, Çinə 10 min ton buğda və 0,4 min tondan artıq bitki yağı, Özbəkistana 7 min ton buğda, Azərbaycana 3 min ton buğda ixrac olunub”, - deyə hesabatda bildirilir.
