"Azəryolservis" Açıq Səhmdar Cəmiyyəti (ASC) işçilərin 2 aydır maaş ala bilməməsi ilə bağlı mətbuatda yazılan xəbərlərə aydınlıq gətirib.

ASC-nin mətbuat xidmətinin rəhbəri Anar Nəcəfli AzVision.az-a məlumatın yalnış olduğunu bildirib.

A.Nəcəfli qeyd edib ki, maaşların verilməməsi ilə bağlı mətbautda gedən yazıda heç bir fakt göstərilməyib: “Büdcədən maliyyələşən qurum olduğumuz üçün ola bilər ki, maaşlarda 5-10 gün gecikmə olsun. Amma iki aydır maaşların verilmədiyi ilə bağlı yayılan məlumat əsassızdır və həqiqəti əks etdirmir”.

Qeydə edək ki, mətbuatda yazılan məlumata görə, “Azəryolservis” ASC-nin işçilərinə iki aydır ki, maaş verilmir.