Dünən şəhid qızı, gənc müğənni Mehin Hümbətova Azərbaycan Dillər Universitetinin (ADU) tələbəsi olan və ailəsi təhsil almasına icazə vermədiyi üçün evi tərk edən Orxan Bağızadənin təhsil haqqını ödəyəcəyini açıqlamışdı.
“Yeni Sabah” xəbər verir ki, ifaçı sözündə durub. O, bu gün Azərbaycan Dillər Universitetinə gedərək Orxanın 1 illik təhsil haqqını ödəyib.
Bu barədə məlumatı ADU-nun Tələbə Həmkarlar İttifaqı Komitəsinin sədri Şahin Sərdarlı verib.
Qeyd edək ki, Orxanın 1 illik təhsil haqqı 1000 manatdır.