Bir sıra ölkələrdə Yutub və Quql istifadəçiləri problemlərlə üzləşib.

Axar.az xəbər verir ki, bu barədə internet resurslarında yaranan problemləri izləyən “Downdetector” saytı məlumat yayıb.

Portalın məlumatına görə, problem bu gün səhər saatlarında yaranıb və əsasən ABŞ istifadəçiləri çətinliklə üzləşib.

Qeyd olunub ki, Quql istifadəçilərinin 62 faizi axtarış sistemində problemlə üzləşdiklərini, 32 faizi isə hesablarına girməkdə çətinlik çəkdiklərini bildiriblər.

Yutub istifadəçilərinin 62 faizi videolarda problemlərin olduğunu qeyd ediblər.