Aprelin 3-də Türkiyənin tanınmış müğənnisi Pətək Dinçöz Bakıda konsert verib.

Kult.az xəbər verir ki, bu barədə müğənni Feysbuk səhifəsində paylaşım edib.

Onun pandemiya şəraitində paytaxtımızda konsert verməsi isə sosial şəbəkə istifadəçiləri tərəfindən birmənalı qarşılanmayıb. Müğənninin necə və kimin üçün konsert verməsi hər kəsin təəccübünə səbəb olub. Lakin sonradan türk müğənninin paytaxtımızda fəaliyyət göstərən "İstanbul meyxana" restoranının yeni filialının açılışında iştirak etdiyi məlum olub.

Qeyd edək ki, açılış mərasimində azərbaycanlı müğənnilər də iştirak edib.