“Baharın on yeddi anı” filminin aktrisası Natalya Drojjinanın halı həbs olunma ehtimalı fonunda pisləşib.

75 yaşlı rusiyalı aktrisa nəfəs darlığı və tez yorulmaq şikayətləri ilə xəstəxanaya müraciət edib. Müayinə zamanı həkimlər ona ürəyin işemik xəstəliyi və yüksək qan təzyiqi, həmçinin yuxu arteriya sindromu diaqnozu qoyublar. Hazırda qan təhlillərinin nəticələri gözlənilir, bundan sonra onun müalicəsi davam edəcək.

Son zamanlar Drojjina həmkarı Aleksey Batalovun mirası ilə bağlı qalmaqal fonunda stres yaşayır. 2023-cü ilin mayında o, aktyorun ailəsinin əmlakını oğurlamaqda təqsirli bilinib; Drojjina 4 il şərti cəza, əri Mixail Sivin isə 5 il həbs cəzası alıb.

Müstəntiqlərin fikrincə, Drojjina və əri mərhum aktyor Batalovun dul arvadının və qızının etibarını qazanaraq 2019-2020-ci illər ərzində cari hesablarından 20 milyon rubldan (təqribən 340 min manat) çox pul çıxarıblar. Batalovun Moskvanın mərkəzindəki mənzili və başqa bir mənzildəki payı da onların mülkiyyətinə çevrilib. Ümumi zərər 57 milyon rubldan (968 min manat) çoxdur.

Aleksey Batalovun dul arvadı Qitana Leontenko Drojjinanın real cəzaya məhkum olması üçün mübarizə aparır.


Qeyd edək ki, sovet və Rusiya kino aktrisası, Rusiyanın əməkdar artisti Natalya Drojjina “Baharın on yeddi anı” filmində ofisiant rolu ilə tanınıb. Bundan başqa o, “İnterqız”, “Böyük bacı”, “Balzaminovun evliliyi”, “Başsız atlı” və sair filmlərdə də rol alıb.


Mənbə: Novıye İzvestiya