ABŞ-ın Detroit şəhərində helikopterdən pul yağdırılıb.


TEREF xəbər verir ki, bu barədə "FOX 2 Detroit" telekanalı məlumat yayıb.

Günorta saatlarında şəhərin üstündəki səmada helikopter peyda olub və oradan dollar əskinasları atılıb. Bütün pulların real olduğu qeyd edilir.

Telekanalın məlumatına görə, təşəbbüsün müəllifi bu yaxınlarda dünyasını dəyişən avtoyuma sahibi olub və bu, onun son istəyi olub.

Bildirilib ki, belə bir altruistik aksiyanı həyata keçirmək üçün şəhər küçələrindən biri əvvəlcədən bağlanıb vəhəmin yerdə izdiham yaranıb. Hadisə şahidlərinin sözlərinə görə, aksiya dinc şəraitdə keçib - pul üstündə dava olmayıb, vətəndaşlar sakitcə bacardıqları qədər pul yığıblar və hadisədən yarım saat sonra küçə açılıb.(publika.az)