Mükafat fondu 70 milyon yuan (təxminən 10 milyon dollar) olan "Honor of Kings" onlayn oyunu üzrə "King Pro League Grand Finals 2024" çempionatı başa çatıb.

Oxu.Az xəbər verir ki, bu barədə championat.com məlumat yayıb.

Yarış çərçivəsində 12 Çin komandası, demək olar ki, 10 milyon dollara bərabər olan ümumi mükafat fondu uğrunda bir aydan çox mübarizə aparıb.

Turnirin finalında "AG Super Play" və "Wolves" komandaları üz-üzə gəlib. Həlledici görüş birincilərin 4:2 hesablı qələbəsi ilə başa çatıb.

Qalib 22 milyon yuan (təxminən 3 milyon dollar) qazanıb.

Çempionat oktyabrın 2-dən noyabrın 16-dək Çinin dörd şəhərində keçirilib.