Azərbaycanın əməkdar incəsənət xadimi, bəstəkar Tahir Əkbər 1946-cı il yanvarın 20-də Bakıda anadan olub. O, sonuncu dəfə 1990-cı ildə ad gününü qeyd edib.
Tahir Əkbər deyirdi ki, yalnız torpaqlarımız azad ediləndən sonra ad günümü qeyd edəcəyəm:
“Ad günüm qanlı 20 yanvar faciəsi ilə üst-üstə düşdüyündən 1990-cı ildən bu yana ad günümü keçirmirəm və dostlarıma, tanışlarıma da məni təbrik etməyə icazə vermirəm”.
11 yaşında ikən Bethovenin “Ay sonatası”nı dinləyən Tahir Əkbərin klassik musiqiyə sevgisi daha da artmağa başlayıb və o, pianoçu olmağı qarşısına məqsəd qoyub. Tahir bəyin tutduğu yolda ən böyük dəstəkçisi isə valideynləri idi. Özbəkistanda yaşadığı müddətdə ona özbək musiqisi yazmağı məsləhət görürlər. Lakin bəstəkar bundan imtina edəndən sonra onu sıxışdırmağa başlayırlar. Hər zaman peşəkarlığa önəm verən bəstəkarın ürəyi həmişə Azərbaycanla döyünürdü. Buna görə də o, 80-ci illərdə vətənə qayıtdı və burada bir-birindən gözəl əsərlər yaratdı.
Daha ətraflı Axar TV-nin təqdim etdiyi süjetdə: