Ukraynada keçirilən "Ölkənin səsi" adlı mahnı müsabiqəsində erməni müğənninin ifası zamanı Azərbaycan bayrağı dalğalandırılıb.

İnterpress.az xəbər verir ki, ötən gün Ukraynada keçirilən "Ölkənin səsi" mahnı müsabiqəsində səhnədə Azərbaycan bayrağı öz əksini tapıb. Ən maraqlısı odur ki, Azərbaycan bayrağı erməni müğənninin ifası zamanı dalğalanıb.

Belə ki, erməni müğənni Srbui Sarqsyan yarışmada Ermənistandakı "məxməri inqilab"a həsr olunmuş siyasi çıxış hazırlayıb. O, “Rag'n'Bone” qrupunun “Human” hitini müsabiqədə səsləndirən zaman arxa fonda Maydandakı, Ermənistandakı "məxməri inqilab"dan görüntülər əks olunmalıydı.

Amma bununla yanaşı, mahnının sonunda arxa fonda Azərbaycan bayrağı da görüntülənib. Srbui Sarqsyanın ansamblı bundan sonra mahnı müsabiqəsinin prodüsserini və təşkilatçıları ittiham ediblər.

[media=https://www.youtube.com/watch?time_continue=4&v=KXUNT5uqnyc]