Hazırda ATV telekanalında yayımlanan “Azərbaycan səsi bala” yarışmasında milli-azadlıq hərəkatının öncül isimlərindən olan Nemət Pənahlının oğlu Oğuzxan Pənahlı da çıxış edir. Bu həftənin şənbə günü saat 17:00-18:00 arası 14 yaşlı O.Pənahlı növbəti tura keçmək üçün səhnəyə çıxacaq.
Yarışmanın birinci turunda N.Pənahlının oğlu “Anam” mahnısını ifa edib. O.Pənahlının bu ifası yarışmanın münsifləri olan Nazpəri Dostəliyeva, Elza Zeyidcahan və gənc müğənni Elnur tərəfindən rəğbət doğurub.
Qeyd edək ki, O.Pənahlı Vaqif Mustafazadə adına 2 nömrəli Uşaq İncəsənət məktəbində oxuyur.