“Məni dindirmə. Qarabağlılara hörmətim var, pozma”.
Primetime.az xəbər verir ki, bu sözləri əməkdar artist Röya Ayxan həmkarı Elnarə Xəlilova barəsində deyib.
Eks qrup üzvləri arasında münasibətləri yenidən pisləşib. Belə ki, Elnarə Röyanın yeni mahnısı olan “Mənə sevgindən bəhs et”in dünya şöhrətli müğənni Uitni Hyustonun “I have nothing” mahnısı ilə eyni olduğunu qeyd edib.
Qarşı tərəfdən isə cavab gecikməyib:
“Elnarə xanım, siz oxumuş qadınsınız. Sadə insanları maarifləndirməlisiniz. Bunu deməyə haqqım var, çünki, təhsilinizin çətin dönəmində Allah məni sizə yetirib. Hara, necə, nə cür olduğunu xırdalamayaq. Onu kənara qoydum. Axı siz, hər şeydən xəbərdar, bilikli bir insansınız. Onda Cenifer Lopezi çağıraq və soruşaq ki, niyə mahnısına “Lambada”nı salıb? Tam deyil, amma müəyyən dərəcədə oxşarlıq var. Rəhmətliyin mahnısına bənzəməsi isə mənə şərəfdir. Mən canlı ölüləri harama qoyacam?”