Türkiyənin Qars şəhərində 15 min nəfərin iştirakı ilə Kərbəla şəhidlərinin xatirəsi üçün yürüş keçirilib.

Yenicag.az Türkiyə mediasına istinadən xəbər verir ki, Qarsda 15 min nəfərlik izdiham Türkiyə bayrağı, Atatürk və Həzrət Əlinin şəkilləri ilə Kərbəla şəhidlərinin xatirəsi üçün yürüşə çıxıb.

Qarsın mərkəzi küçələri ilə hərəkət edən minlərlə insan şəhidlər üçün mərsiyə deyərək, zəncir vurublar.

Yürüşdə “Yezidlə su içməkdənsə, Hüseynlə şəhadət gözəldir”, “Sizdə nə qədər çox yezid varsa, bizdə Hüseynlər tükənməz” şüarları yazılmış lövhələr, həmçinin, üzərində “Həzrəti Əli əsgər (ə.s) ” yazılan rəmzi tabut da qaldırılıb.