Türkmənistan prezidenti Qurbanqulu Berdıməhəmmədov qeyri-adi addımları, davranışı ilə fərqlənir.

O qədər qəribə davranır ki, daha Asiya dövlətinin başçısının hərəkətlərinə təəccüblənmək də olmur.

Bizimyol.info xəbər verir ki, Berdıməhəmmədov hərbçilərə mürəbbə bişirtdirəcək. Türkmənistan İnformasiya Agentliklərinin məlumatına görə, dövlət başçısı Kopetdağ ətəyindəki hərbçilər və hüquq-mühafizə orqanları əməkdaşlarının təsərrüfat yerləri ilə tanış olub. Baş nazirin təhlükəsizlik məsələləri üzrə müavini Çarımırat Amanov prezidentə yeni at tövlələrinin yerini göstərib. Berdıməhəmmədov deyib ki, hər bir hərbçi at sürməyi bacarmalıdır.

Türkmənistan prezidenti çıxışında fərdi təsərrüfatlarda meyvə yetişdirilməsinin vacibliyindən söz açıb. O, hərbçilərə toplanan meyvələrdən mürəbbə bişirməyi məsləhət görüb. Berdıməhəmmədov xüsusilə heyva mürəbbəsinin dadlı olduğunu deyib. Prezident ona təklif olunan albalının dadına baxıb.