NASA Türkiyə, İsrail, İordaniya, Livan, Fələstin, Kipr və Suriyanı əhatə edən Şərqi Aralıq dənizi bölgəsi ilə bağlı dəhşətli proqnozunu açıqlayıb.

Axar.az xəbər verir ki, 1998-ci ildə başlayan quraqlığın son 9 əsrin ən pis quraqlığı olduğu bildirilib.

ABŞ-ın Nyu York şəhərində yerləşən NASA-nın Qoddard Kosmos Araşdırmaları İnstitutunun iqlim dəyişiklikləri üzrə eksperti Ben Kukun rəhbərliyi altında araşdırma qrupu Şərqi Aralıq dənizinin iqlim şərtlərini və suyun azalmasının səbəblərini öyrənmək üçün modellər yaradıb.

İqlimşünaslar tədqiqatla bağlı verdikləri bəyanatlarda qeyd ediblər ki, bütün bu dəyişikliklərin səbəbi insan fəaliyyətinin nəticəsidir. Məhz insan faktoru dünyada qlobal quraqlığın yaranmasında əsas rol oynayır. Tədqiqatçılara görə, Aralıq dənizinin şərq hövzələri hazırda qlobal istiləşmə dövrünü yaşayır.