Türkiyənin Diyarbəkir şəhərində PKK/KCK tərkibində fəaliyyət göstərən terrorçular təhlükəsizlik orqanlarına təslim olublar.

Avropa.info Türkiyə mətbuatına istinadən xəbər verir ki, təslim olan 32 nəfərin içində uşaqlar da olub.

Təhlükəsizlik orqanlarına təslim olan terrorçular, polisə "bizi qoruyun" deyə, yalvarıblar. Terrorçular arasında olanlardan bəziləri polisin ayağını öpmək istədi.

Diyarbəkirin Sur bölgəsində polis tərəfindən mühasirəyə alınan terrorçular PKK-dan qaçmaq üçün fürsət gözlədiklərini deyiblər. Polisə danışan terrorçular PKK-nın içində intiharlar başladığını bildiriblər.

Həyata keçirilən əməliyyat nəticəsində 2 PKK terrorçusu öldürülüb.