“Türkiyə Silahlı Qüvvələrinin İraqın şimalında keçirdiyi əməliyyatın birinci mərhələsi başa çatıb. Əməliyyat İraqla sərhəddə təhlükə aradan qalxanadək davam edəcək”.

Bizim.Media Türkiyə mətbuatına istinadən xəbər verir ki, bu fikirləri ölkənin milli müdafiə naziri Hulusi Akar səsləndirib.

​​​​​​​Xatırladaq ki, Türkiyə Müdafiə Nazirliyi daha əvvəl İraqın şimalında PKK terrorçularına qarşı hərbi əməliyyata başlayıb. Əməliyyatda xüsusi təyinatlılar və Hərbi Hava Qüvvələri iştirak edib.

"İraqın şimalında başladılan "Pençe Kilit" əməliyyatı uzun bir hazırlıq mərhələsinə, lazımi qurumlar, təşkilatlar və qüvvələrlə koordinasiya prosesinə əsaslanır. Əməliyyat zonasında terrorçulara məxsus çoxlu mağaralar, sığınacaqlar və “qərargah” aşkar edilib. Bu baxımdan yalnız birinci mərhələ tamamlanıb”, - deyə Akar jurnalistlərə bildirib.