Prezident Rəcəb Tayyib Ərdoğan Ukraynaya səfəri ilə Türkiyənin bu ölkədəki təsirini gücləndirmək istəyir.

Axar.az xəbər verir ki, bu barədə “İndependent” nəşri yazır.

Bildirilir ki, Qərb Türkiyənin Rusiya ilə münasibətləri gücləndirmək səylərindən dolayı gərgindir. Buna baxmayaraq, Ukrayna Ərdoğanın danışıqlardakı önəmli rolunu yüksək qiymətləndirir.

Ukraynalı ekspert Mixail Botsyurkivin sözlərinə görə, Ərdoğan dünya liderləri ilə danışmaq bacarığına malik regional dövlətin rəhbəridir:

“O, coğrafi, diplomatik və strateji baxımdan unikal mövqedədir. Ərdoğan BMT Baş katibinin belə oynaya bilməyəcəyini düşündüyüm bir rolu oynayır”.