Türkiyənin nəqliyyat, dənizçilik və kommunikasiya naziri Binəli Yıldırımın ölkənin baş naziri vəzifəsinə namizəd olduğu rəsmən açıqlanıb.

teref.az report-a istinadən bildirir ki, bu, hakim Ədalət və İnkişaf Partiyasının (AKP) Mərkəzi İdarə Heyətinin mayın 19-da keçirilən toplantısından sonra elan olunub.
Məlumata görə, AKP-dən olan deputatlar və nazirlərin çoxu B.Yıldırımın baş nazir postuna namizədliyini dəstəkləyiblər.
Qeyd edək ki, mayın 22-də AKP-nin növbədənkənar qurultayı keçiriləcək. Həmin tədbirdə B.Yıldırımın partiyaya sədrliyinə və baş nazir vəzifəsinə namizdəliyi təsdiqlənəcək.
B.Yıldırım İdarə Heyətinin toplantısından sonra Türkiyənin Diyarbəkir bölgəsinə yola düşüb.
Xatırladaq ki, toplantıda baş nazir vəzifəsindən istefa verən Əhməd Davudoğlu da iştirak edib. O, B.Yıldırıma gələcək fəaliyyətində uğurlar arzulayıb.