Almaniya hökumətinin sözçüsü Şteffen Hebestrayt Kansler Olaf Şolzun Türkiyə Prezidenti Rəcəb Tayyib Ərdoğanla telefon danışığı ilə bağlı açıqlama verib.

Teleqraf.com xəbər verir ki, Almaniya rəsmisi Şolz və Ərdoğanın bölgədəki vəziyyətlə bağlı fikir mübadiləsi apardıqlarını bildirib.

“Kansler Şolz Türkiyənin Qara dəniz Taxıl Müqaviləsi çərçivəsində Ukraynadan taxıl ixracının saxlanmasında fəaliyyətini yüksək qiymətləndirib”, - Hebestrayt deyib.

O bildirib ki, liderlər Rusiyanın nüvə ritorikasını tənqid ediblər və Kansler Şolz Moskvanın Ukraynanın “çirkli bomba”dan istifadə etməyə hazırlaşdığına dair ittihamlarını əsassız hesab edərək qəti şəkildə rədd edib.

Hebestrayt qeyd edib ki, Şolz və Ərdoğan mövcud təhlükəsizlik şəraitində sıx əlaqə saxlamaq barədə razılığa gəliblər.