Türkiyənin Artvin vilayətində bir su anbarının tikinti sahəsində qurulan vertolyot meydançasına enmək istəyən vertolyot qəzaya uğrayıb.

Avropa.info xəbər verir ki, Artvinin Yusufeli rayonunda tikilməkdə olan bir anbarın vertolyot meydanın enmək istəyən vertolyot yanı üstə çevrilib.

Qəzaya uğrayan vertolyotun içində Türkiyənin su idarəsinin baş direktoru Əli Rza Diniz və idarənin Artvin rayon idarəsinin rəhbəri Dinçər Aldoğanın olduğu bildirilir. Qəza zamanı vertolyotda olan üç nəfər yaralanıb.

Əldə olunan məlumata görə, hadisə prezident Rəcəb Tayyib Ərdoğanın sabah havadan gəzintisinin planlaşdırıldığı Yusufeli su anbarında son tamamlanma işləri ilə tanış olmaq və yoxlama aparmaq istəyərkən baş verib.

Diniz və Aldoğanı daşıyan vertolyot anbarda qurulan vertolyot meydançasına enərkən sərt eniş etdiyi üçün yanı üstə çevrilib.