Ankara və Tel-Əviv ikitərəfli münasibətlərin normallaşdırılması haqqında müqaviləni imzalamağa yaxınlaşıblar.
Axar.az xəbər verir ki, bunu TRT televiziyasına müsahibəsində Türkiyə Xarici İşlər naziri Mövlud Çavuşoğlu söyləyib. Onun sözlərinə görə, bu razılaşmanın imzalanması üçün hər iki tərəfə 1-2 görüş kifayət edəcək. O, İsrailin Qəzza sektoruna qarşı blokadanı arada qaldırmasının Türkiyə üçün vacib olduğunu bildirib.
Qeyd edək ki, İsrail-Türkiyə münasibətləri 2010-cu ildə İsrail hərbçilərinin “Mavi Mərmərə” gəmisinə hücumundan sonra pozulub. Bundan öncə iki ölkə arasında münasibətlər ən yüksək səviyyədə olub.