Türkiyənin CHP-dən olan sabiq millət vəkili Hüseyn Aygün Tuncelidə baş verən terror aktı ilə bağlı bəyanat verib.

Axar.az xəbər verir ki, Tuncelidə törədilən terror aktından danışan Aygün hadisəni PKK tərəfindən Qəndil dağında bir neçə ay öncə yaradılan Birləşmiş İnqilab Cəbhəsinin törətdiyini bildirib.

"Bu olayı törədənlər uğurlu aksiya keçirdiklərini, 4 özəl birliyin üzvünü öldürdüklərini, təhlükəsizlik qüvvələrindən 9 nəfəri yaraladıqlarını bildirirlər. Bu məlumatlar yalandır. Yaralı olan 9 nəfər mülki əhalidir. Bu teraktın digər nəticəsi isə "Türkiyə solu" kimi tanınan təşkilatların PKK-nın aparatı durumuna gəlməsidir. Daha da dəhşətlisi isə bu təşkilatlarda İŞİD-ləşmə tendensiyasının ortaya çıxmasıdır", - Aygün qeyd edib.