Türkiyənin Kütahya bölgəsində şəhərlərarası avtobusda aparılan axtarış zamanı karton qutunun içərisindən piton tapılıb.

Oxu.Az-ın xəbərinə görə, bu barədə "TRT News" məlumat verib.

Məlumata görə, Kütahya Regional Təhlükəsizlik İdarəsinin Narkotiklərlə Mübarizə Şöbəsinin qrupları İstanbuldan Antalyaya gedən avtobusda yoxlamalar aparıb.

Qruplar dayandırdıqları avtobusda tapdıqları karton qutunu açdıqları zaman pitonla qarşılaşıblar. İlanın sahibini müəyyən etmək mümkün olmayıb və piton sağlamlıq müayinəsi üçün heyvan sığınacağına aparılıb.

Sağlamlıq yoxlamalarından sonra piton Əskişehir Böyükşəhər Bələdiyyəsinin Zooparkına təhvil verilib.

Hadisə ilə bağlı araşdırmalara başlanılıb.