Türkiyənin Samsun şəhərində bank müdiri işləyən 42 yaşlı qadın gözəlliyin qurbanı olub.

Ölkə.Az xəbər verir ki, bir uşaq anası olan Gülcan Erim bankların birində müdir çalışırmış. O, çoxdandır arıqlamaq üçün əməliyyat olmaq istəyirmiş. Daha dəqiq desək, qadın mədəsini kiçiltmək arzusunda olub. Lakin həkimlər belə ağır əməliyyatın 40 yaşından yuxarı şəxslər üçün çox təhlükəli olduğunu deyirmişlər. Türkiyə qanunları ilə də bu qadağandır.

Bu səbəbdən qadın Samsun Eğitim və Araştırma Xəstəxanasında tanıdığı həkimlərdən biri ilə sövdələşib. Əməliyyatı isə mədə yarası adı ilə qeydiyyata aldırıblar. Əməliyyatdan sonra qadının səhhətində problemlər yaranıb. Həkimlərin səyinə baxmayaraq qadın dünyasını dəyişib.