Türkiyənin İstanbul şəhərində “Beşiktaş” stadionunun qarşısında törədilmiş terror aktları ilə bağlı istintaq tədbirləri davam etdirilir.
Gununsesi.info-nun “Milliyet”ə istinadən verdiyi məlumata görə, partlayışı törədən 2 nəfərin kimliyi müəyyənləşdirilib, saxlanılan 13 nəfərin dindirilməsi prosesi isə davam edir.
Polis partlayışda istifadə olunan bomba ilə bağlı bəzi detalları da aydınlaşdırıb.
Başqa bir ölkədə hazırlanaraq Türkiyəyə gətirilən bombada TNT və RDX partlayıcılarından istifadə olunduğu, eləcə də üçüncü kimyəvi maddə izinə rast gəlindiyi də bildirilib.
Qeyd edək ki, dekabrın 10-da baş vermiş partlayış nəticəsində 37-si polis olmaqla 44 nəfər şəhid olub, 155 nəfər yaralanıb.