“Veriləcək sözlər yerinə yetirilməsə, Türkiyənin də bir B planı, C planı var.”
Avropa.info xəbər verir ki, bu sözləri Türkyə prezidenti Rəcıb Tayyib Ərdoğan Sloveniya prezidenti Borut Pahorla keçirdiyi birgə mətbuat konfransında deyib.
Türkiyə prezidenti sloveniyalı bir jurnalistin Avropa Birliyi ilə Türkiyə arasında qaçqınlar məsələsindən sonra viza sərbəstliyi sözü verildiyi, bu vədin yerinə yetrilməyəcəyi təqdirdə, Türkiyənin Avropaya böyük qaçqın ordusu göndərib -göndərməyəcəyi ilə bağlı suala cavab verərkən bunları deyib.
“Biz viza məsələsində gözlənilən nəticəni görməsək , eyni zamanda Qızıl Ayparaya veriləcək olan pullar verilməsə, verilən sözlər yerinə yetrilməsə Türkiyənin də bir B planı, C planı olacaq. Haqqımızda verilən hər bir qərara “bəli” demək məcburiyyətində deyilik. Çünki, Avropa Birliyinin bizə bu günə qədər qazandırdığı heç bir şey yoxdur. Bunu da açıq və qəti bir şəkildə demək məcburiyyətindəyəm” deyə Ərdoğan qeyd edib.