MHP-dən xaric edilən keçmiş millət vəkili Sinan Oğan bir konfrans üçün getdiyi Bahçeşehir Universitetində çıxış edərkən hücumuna uğrayıb. Anayasa referendumu üçün “xeyr” kampaniyası platformasında yer alan Sinan Oğan çıxışında yeni gələn sistemdə iki partiyanın Məclisdən kənarda qalacağını, bu sistemin qarşısını da MHP-nin açdığını deyib. Oğan “MHP-li biri öz partiyasının bağlanılmasına nədən “bəli” desin” soruşduğu sırada “hərəkatın lideri Dövlət Bahçeli” şüarıyla kürsüyə cuman biri tərəfindən hücuma məruz qalıb. Hücum edən şəxs salondakı təhlükəsizlik gücləri tərəfindən tutulub salondan uzaqlaşdırılıb. Hücumun ardından Oğan təkrar kürsüyə çıxaraq çıxışına davam edib. O, “bu gənc dostumuzu aldadıb bura göndərən əslində partiyamıza zərər verir” deyib.