Türkiyə Baş naziri Binəli Yıldırımın olduğu helikopter qatı duman səbəbindən Muş vilayətində hava limanına eniş edə bilməyib.

Axar.az xəbər verir ki, bu barədə Türkiyə Baş Nazirliyi məlumat yayıb.

Belə ki, aeroporta enə bilməyən helikopter Muş stadionuna yönəlib.

Lakin 3 dəfə edilən cəhdə baxmayaraq, burada da yerə enmək mümkün olmayıb.

Daha sonra isə Vanın Tatvan mahalına uçan helikopter orada Kale məhəlləsində boş əraziyə eniş edib.