Türkiyənin Ağrı vilayətinin Doğubəyazid rayonunda antiterror əməliyyatları əsnasında PKK terrorçuları ilə əsgərlər arasında qarşıdurma yaşanıb.

SalamNews-un "Haberler"-ə istinadla verdiyi xəbərə görə, qarşıdurma Tendürek dağı ətrafında keçirilən əməliyyat-axtarış tədbirləri zamanı baş verib. Terrorçuların hücumu nəticəsində yaralanan əsgərlərin xəstəxanaya gətirilməsi üçün də bölgəyə təcili yardım helikopterləri cəlb edilib.

Qarşıdurma nəticəsində iki terrorçunun zərərsizləşdirildiyi bildirilir.

Havadan dəstəklə genişmiqyaslı əməliyyat keçirilir.