“Fənərbaxça”nın hollandiyalı futbolçusu Qreqori Van Der Vil Türkiyədə dələduzluğa məruz qalıb.
Publika.az Türkiyə mətbuatına istinadən xəbər verir ki, hollandiyalı futbolçu İstanbulda polis bölməsinə müraciət edərək, iki yerli vətəndaşın onu aldatdığını bildirib. O, həmin şəxslərin birgə iş qurmaq adıyla ondan ümumilikdə 4 milyon dollar aldıqlarını, lakin sonradan bu pulu qaytarmadıqlarını bildirib.
Polis dərhal məsələylə bağlı təhqiqata başlayıb, Ümit və Sinan adında iki Türkiyə vətəndaşı həbs edilib.