Qırğızıstan xüsusi xidmət orqanlarının MOSSAD səviyyəsinə qədər inkişaf edərək qaçaq eks-prezidentləri cəzalandırmasını istəyirəm.

Axar.az xəbər verir ki, bu sözləri Qırğızıstan Prezidenti Almazbek Atambayev deyib.

Onun sözlərinə görə, Əsgər Akayevin prezidentliyi dövründə ölkənin ən böyük - “Kumtor” qızıl yatağının işlənməsi layihəsində Qırğızıstanın payı 67 faizdən 16 faizə enib.

“Deyirlər ki, mən Əsgər Akayevi bağışlamışam. Bu cür insanları necə bağışlamaq olar axı? Qırğızıstanın min ton qızılı var idi. O, öz mənfəəti və gözü doymayan ailəsi naminə onları əmisinə verdi. Xalqımız aclıq çəkirsə, belələrini necə bağışlamaq olar? Şəxsən mən Akayevi heç vaxt bağışlamayacam”, - Atambayev əlavə edib.