Türkiyənin Antaliya şəhərində bir neçə aydan sonra evinə dönən ər və arvad 18 yaşlı qızlarının davranışlarından şübhələniblər.

Teleqraf.com xəbər verir ki, paltar dolabçasını açan ata içəridə gənc oğlanın olduğunu görüb. Bu zaman tərəflər arasında mübahisə düşüb.

Ata hadisə yerinə polis çağırmalı olub.

Gənc oğlan polisə ifadəsində bildirib ki, qız dostu evinin ağzında iki şübhəli şəxsin olduğunu ona deyib və kömək istəyib: "Qorxmasın deyə onlara getdim, bu zaman atası gəldi. mən də qorxumdan paltar dolabçasına girdim".

Ata isə fərqli düşünür. O, hesab edir ki, gənclər evdə əxlaqsızlıqla məşğul olublar və polis qızını yoldan çıxaran bu gənc haqqında tədbir görməlidir.