Tanınmış şair Rüstəm Behrudi son günlər "Türkük, yoxsa azərbaycanlı" polemikasını aparanlara cavab verib.

Moderator.az şairin yarı nəzm, yarı nəsrlə deyilmiş cavabını olduğu kimi tədqim edir:

"Biz Türk, yoxsa azərbaycanlıyıq" sualı ilə xalqın qarşısına çıxan nadanlar, cahillər, daha dəqiq desək, avantürüstlər sürüsünə bir cavabım var: "Siz Türk olmaya bilərsiniz, ancaq, bu millətin bir adı var, o da Türkdür!

Min illərdi, sinəmdə qəm,
Gah Türk oldum, gah da əcəm,
Belə getsə, nə biləcəm,
Yox oluram itə-itə.

Görklü Tanrım, bir yurd olum,
Doğma olsun sağım, solum,
Dönüm axır Bozqurd olum,
Qalım qiyam-qiyamətə".