Putin Konstitusiya düzəlişlərinə səs verən rusiyalılara təşəkkür etdi

30-06-2020, 16:14           
Putin Konstitusiya düzəlişlərinə səs verən rusiyalılara təşəkkür etdi
Tver bölgəsində Sovet əsgərlərinə yeni bir abidə açılıb. Həmin tədbirdə Rusiya prezidenti Vladimir Putin rusiyalılar müraciət edib.

KONKRET.az xəbər verir ki, Kremlin sahibi xatırladıb ki, ruslar bir yerdə olduqda, istənilən kritik vəziyyətdə ən çətin tapşırıqları yerinə yetirə bilərlər.

“Biz sadəcə dəqiq qanun normalarına uyğun olaraq edilən dəyişikliklərə səs vermirik. Biz yaşamaq istədiyimiz, müasir təhsil və səhiyyə, vətəndaşların etibarlı sosial müdafiəsi, cəmiyyətə təsirli gücü olan ölkəmiz üçün səs veririk. Çalışaq ki, bunu övladlarımıza və nəvələrimizə ötürək” deyə dövlət başçısı vurğulayıb.

Putin xatırladıb ki, sabitliyi, təhlükəsizliyi, firavanlığı və insanlar üçün layiqli bir həyatı yalnız özümüz təmin edə bilərik.

“Məhz bizim məsuliyyətimiz, vətənpərvərlik duyğularımız, vətənə qayğımız Rusiyanın suverenliyi, habelə tariximiz, mədəniyyətimiz, ana dilimiz, adət-ənənələrimiz, əcdadlarımızın qazandıqları uğurlar və xatirələrimizə hörmət üzərində dayanır” prezident deyib.

Rusiya lideri bir daha deyib ki, Konstitusiyaya düzəlişlər yalnız rusiyalıların əksəriyyəti tərəfindən dəstəkləndikdə tətbiq ediləcəkdir. O, seçimlərini edən hər kəsə və hələ səs verməyənlərə təşəkkür edib və sabah ümumrusiya səsvermə günü bunu etməyə çağırıb.шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.