Nazirlərin Cenevrə görüşü nəyi dəyişəcək?

29-10-2020, 00:06           
Nazirlərin Cenevrə görüşü nəyi dəyişəcək?
Azərbaycan və Ermənistan xarici işlər nazirlərinin sabah Cenevrədə görüşünün təşkil ediləcəyi bir vaxtda, düşmən ölkə son 2 gün ərzində dinc əhalini hədəf aldı. Döyüş meydanında məğlub olan bir ölkə danışıqlar aparmaq üçün yalvarmadığı ölkə qalmayıb. Ancaq yenə də dinc əhaliyə qarşı terorr aktı törədir. Beynəlxalq məsələlər üzrə ekspert Kərəm Məmmədov hesab edir ki, nazirlərlin sabahkı görüşündə danışıqların məqsədi yaranacaq fasilədən istifadə edərək Ermənistanın cəbhədə möhkəmlənməsinə nail olmaqdır. Buna görə də sabakı görüşdə də heç bir nəticə əldə edilməyəcək.

Ermənistan bir tərəfdən danışıqlar aparmaq üçün xarici ölkələrə yalvarır, digər tərəfdən isə arda-arda Bərdə şəhərində dinc əhalini qətlə yetirir..

29 oktayabr tarixində Azərbaycan və Ermənistan Xarici İşlər nazirlərinin Cenevrədə ATƏT-in Minsk Qrupunun həmsədrləri ilə keçirəcəyi görüşü şərh edən Beynəlxaq məsələlər üzrə ekspert Kərəm Məmmədov deyir ki, Ermənistan hakimiyyəti münaqişənin siyasi həllində maraqlı olasayıdı, bu gün və ötən gün Bərdədə dinc əhaliyə qarşı terror aktı törətməzdi. Ekspert bildirir ki,məhz bu səbəblərə görə də sabahkı görüşün heç bir faydası olmayacaq.

Ekspertin sözlərinə görə Ermənistan işğal etdiyi torpaqlardan çıxacağıyla bağlı qrafik təqdim edərsə, döyüşlər dayana bilər. Prezident İlham Əliyev çıxışlarında bunu bir neçə dəfə də deyib. Kərəm Məmmədovun sözlərinə görə, 28 il ərzində həmsədrlər Ermənistan qoşunlarını Azərbaycandan çıxmağa vadar etməyiblərsə , bundan sonra da onlar bu işi həyata keçirməkdə maraqlı olmayacaqlar. Görünən mənzərə ondan ibarətdir ki, həmsədrlər çalışırlar ki, Ermənistan məğlub duruma düşməsin, bu isə Azərbaycanın maraqlarına uğun gəlmir və gəlməyəcəkdə. Buna görə də sabahkı görüşdən heç nə gözləməyə dəyməz.

Ekspertin fikrincə danışıqların məqsədi yaranacaq fasilədən istifadə edərək Ermənistanın cəbhə xəttində möhkəmlənməsinə nail olmaqdır.

Qeyd edək ki, oktyabrın 10-da və 18-də Moskvada, oktyabrın 26-da isə Vaşinqtonda Azərbaycan və Ermənistan Xarici İşlər Nazirlərinin iştirakı ilə görüşlər keçirilib və humanitar atəşkəs razılaşması imzalanıb.Ancaq hər üç halda humanitar atəşkəs rejimi Ermənistan tərəfdən kobudcasına pozulub.
шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.