DİN-dən həbs edilən polkovniklə bağlı AÇIQLAMA

15-12-2019, 18:01           
DİN-dən həbs edilən polkovniklə bağlı AÇIQLAMA
Daxili İşlər Nazirliyi (DİN) polkovnik Qadir Vəlişovun həbsi ilə bağlı məlumat yayıb.

KONKRET.az DİN-ə istinadən xəbər verir ki, noyabrın 26-da Beyləqan rayonunun Kəbirli kənd sakini İrfanə Eminova və əri İbrahim Alıyev Beyləqan RPŞ-yə müraciət edərək Qadir Vəlişovun onların yaşadıqları evə gələrək heç bir ciddi əsas olmadan onları ölümlə hədələdiyini, evdən çıxmalarını tələb etdiyini bildiriblər.

Aparılan ilkin araşdırmalarla müəyyən edilib ki, Qadir Vəlişov həqiqətən də onların evinə gələrək ictimai qaydanı kobud surətdə pozan, cəmiyyətə açıq hörmətsizlik ifadə edən və şəxslər üzərində zor tətbiq edilməsi ilə müşayiət olunan xuliqanlıq hərəkətləri edərək evin pəncərə şüşələrini, məişət əşyalarını sındırmış, İ.Alıyevi və İ. Eminovanı əlindəki çomaqla vuraraq onlara ağır dərəcəli bədən xəsarəti yetirib.

Faktla əlaqədar Beyləqan RPŞ-də Cinayət Məcəlləsinin 221.3-cü (xuliqanlıq əməlinin silahdan və ya silah qismində istifadə olunan əşyalardan istifadə edilməklə törədilməsi, zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə cinayət işi başlanılıb. Rayon məhkəməsinin qərarı ilə Q.Vəlişov barəsində 3 ay müddətinə həbs qəti-imkan tədbiri seçilib. Hazırda cinayət işi üzrə istintaq tədbirləri davam etdirilir.

Teref.az olaraq qeyd etmək istəyiri ki, Qarabağ qazisi jurnalist Rey Kərimoğölu bu barədə status paylaşıb.Statusu təqdim edirik:
Rey Kerimoglu Qazi
4 ч. ·
Əziz dostlar!
İndicə aldığım məlumata görə, artıq Qarabağ qazisi, polkovnik Qadir Vəlişova qarşı əslində kökündə torpaq məsələsi olsa da, oma qarşı çox şərəfsiz ittiham verməyi palanlaşdırırlar. Təbii ki, başçının tapşırığı ilə...Barəsində əvvəlcə 48 saat, sonra isə məhkəmə qərarı ilə 3 aylıq həbs qəti imkan tədbirir seçilib. Beyləqan Qazilərinin verdiyi məlumata görə, polkovnikə qarşı şər-böhtan atılır.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.